--Ads--
BAGUIO CITY – Malamlamayan ita ti bangkay ti 72-anyos a lalaki kalpasan a nasarakan ti bagi daytoy iti Baay River idiay Abra ita nga aldaw. Setyembre 7.
Nabigbig daytoy a ni Raymund Sales.
Maibasar iti imbestigasyon dagiti otoridad, maatap a natnag ni Sales bayat nga adda daytoy iti impluwensiya ti arak idi Martes, Setyembre a tres.
Nasarakan ti maseknan a residente ti bagi ni Sales a nakasalat iti fish fence iti sentro ti karayan.
Naudi a nakita daytoy iti pagtaenganna a nakainom idi Setyembre dos.
Saanen a naipasidong ti bagi ni Sales iti otopsiya gapu ta mamati ti pamilya daytoy nga aksidente a natnag ken nalmes iti nasao a karayan.
