--Ads--
BAGUIO CITY – Agtultuloy ti imbestigasyon ti Tuba Municipal Police Station seknan iti nasarakan nga agruprupsa a bangkay idiay Bued River, Sitio Kaipilan, Barangay Camp 3, Tuba, Benguet idi kalman, Hunyo 11.
Maibasar iti imbestigasyon, nasarakan ti bangkay a tumtumpaw iti nasao a karayan.
Iti follow-up investigation ti Scene of the Crime Operatives (SOCO), bagi ti babai nga agtayag ti 160 cm ti nasao a bangkay.
Maipasidong iti otopsiya ti bangkay para iti panakaduktal ti rason ti ipupusay daytoy.
Iti agdama, imet ti Cosmopolitan Funeral Services ti nasao a bangkay.//Bombo Jez Lapizar
