--Ads--
BAGUIO CITY – Nasarakan ti bagi ti maysa a maladaga a lalaki a tumtumpaw iti maysa nga irrigation canal sadiay Mansanita, Ipil, Tabuk City, Kalinga idi kanikadua.
Nailanad iti report ti Tabuk City Police Station a nakakonektar paylaeng ti umbilical cord ti maladaga.
Immuna a nasarakan ti maysa a maseknan nga umili ti nasarakan a maladaga a mapapati a pimmusay sumagmamano nga aldaw ti napalabas.
Patien pay dagiti otoridad a naibelleng ti maladaga iti nasao a kanal apaman a naipasngay daytoy.
Naiturong ti bangkay ti maladaga iti maysa a simbaan para iti panakabendisyonna sakbay a naitabon iti Bulanao Cemetery.