Impakaammo ni Atty. Julius Torres, Regional Director ti Commission on Elections Cordillera a bantayanda ti Barangay ken Sangguniang Kabataan Elections gapu ta daytoy ket mas nabarbara no idilig iti National ken local elections.
Daytoy ket gapu ta dagiti agbabalubal iti posisyon ket dagiti agkakapamilya wenno dagiti agkakaaruba rason a “personalan” ti mapaspasamak.
Sigun kenni Atty. Torres, maysa kadagiti banbantayanda ket ti probinsya ti Abra gapu kadagiti shooting incidents.
Ngem, inlawlawag ni Atty. Torres a saan nga amin a shooting incidents a nailista dagitoy ket mabigbigbig kas election-related incidents.
Kinuna ni Atty. Torres a para iti umadanin a Barangay ken Sangguniang Kabataan Elections ket tarigagayda a mas pasayaten ti peace and order sadiay Abra.
