Nagbinnangga ti barko ti Pilipinas ken China Coast Guard iti baybay a paset ti Second Thomas Shoal wenno maaw-awagan metlaeng kas Ayungin Shoal ita nga aldaw.
Daytoy ket manipod iti China Coast Guard.
Nupay kasta, awan paylaeng ti komento ti Philippine Coast Guard maipapan iti nasao a banag.
Sigun iti China Coast Guard, immasideg ti barko ti Pilipinas iti barko ti China.
Kinunada pay nga iligal a a simrek ti barko ti Pilipinas iti danum a kabangibang ti Second Thomas Shoal ken saanda nga inkankano dagiti pakdaar ti China.
Saan met a nadakamat ti nadangran wenno nadadael iti dua a barko.
Maipalagip nga iti mano a bulan, nagpinnabasol ti China ken Pilipinas gapu kadagiti napeggad a panagmaniobra ken panagdinnungpar idiay Ayungin Shoal.
Sumagmamano nga insidente ti napasamak idi nangideploy ti Pilipinas iti “resupply missions” para kadagiti suldado ti Pilipino nga agbanbantay iti BRP Siera Madre tapno masalakniban ti teritorio ti Pilipinas.
