Manamnama nga aprobaran ti Philippine Food and Drug Administration (FDA) ti QDENGA vaccine manipud Japan ita a tawen kagiddan ti ngumatngato a kaso ti dengue iti pagilian a Pilipinas.
Sigun kenni Department of Health (DOH) Secretary Ted Herbosa, nagaplikar ti Japan-based Takeda Pharmaceuticals para iti Certificate of product registration iti Food and Drug Administration (FDA) idi napalabas a tawen para iti panakabrobar ti nasao a bakuna.
Kinuna ni Terbosa nga awan ti rumbeng a pagdanagan ti publiko maipapan iti umad-ado a kaso ti dengue iti pagilian agsipud ta kontrolado daytoy.
Maipalagip nga idi napalabas a bulan ket kiniddaw dagiti sumagmamanu a doktor iti Food and Drug Administration (FDA) ti panakabrobar ti QDENGA vaccine gapu ta ti Pilipinas laeng ti maysa a pagilian nga awanan iti bakuna iti sakit a dengue.
Kabayatanna, maibasar iti datos ti Department of Health, dumanon iti 4,689 a kaso ti dengue ti nailista iti pagilian manipud Hunyo a dos agingga kinse ti agdama a tawen.
