![](https://img.bomboradyo.com/baguio/2021/07/border-restrictions-BLISTT-Area.jpg)
BAGUIO CITY – Maipatpatungpal ti baro a polisiya kadagiti passing through travellers iti nagduduma a quarantine control checkpoints ditoy siudad ti Baguio.
Sigun kenni Baguio City Police Office – Operations Officer PLt. Col. Domingo Gambican, kasaruno daytoy ti naduktalanda nga adu a travellers ti agirasrason a passing-through laeng dagitoy kadagiti entrance checkpoints ngem saanen a rumwar wenno lumabas iti exit checkpoints.
Kinunana a gapu iti daytoy, naipatungpalen idi Domingo ti baro a paglintegan, no sadino kasapulanen nga agala dagiti passing-through travellers a non-authorized person outside residence (non-APOR) iti green pass-through QTP iti VISITA website ken daytoy iti iparangda iti entrance checkpoint ken iti exit checkpoint.
Innayonna a nasken met nga agala dagiti APORs iti pass-through forms iti entrance checkpoints a pirmaan dagitoy ken ipakitada iti exit checkpoint kagiddan ti panangiparangda iti valid ID kas iti employment ID, proffesional ID ken travel order manipud iti employer dagitoy.
Dinakamatna nga iyawag metlaeng dagiti personnel a mangimanmando kadagiti entrance checkpoint kadagiti agbambantay met iti exit checkpoint nga adda ti lumabas a traveller tapno mawanawanan ken makita no agpada ti bilang dagiti simrek ken rimwar a travellers.
Sigun pay kenni Lt.Col. Gambican, nanayunan dagiti pulis nga agwanwanawan kadagiti control checkpoints nangruna sadiay Asin Road, Naguilian Road, Marcos Highway ken Kennon Road.
Dinakamatna nga adu dagiti mangar-aramat iti Asin Road, Kennon Road ken Naguilian Road kas back door tapno makastrekda ditoy siudad a rason iti panang-ingetda iti panagwanawan kadagitoy.