Magagaranen dagiti nagduduma a bunggoy manipud iti sangapulo ket tallo a munisipyo ti Benguet iti panagrugi ti Cong Eric Go Yap Congressional Cup Season 2 a pormal nga agrugi intun Oktobre 12 idiay Benguet Sports Complex.
Daytoyen ti maikadua a season ti basketball men bayat a mairugi ti inaugural season ti women’s volleyball nu sadino mabuya dagiti ay-ayam kadagiti nagduduma a playing venues kadagiti munisipyo.
Immunan a dinakamat ni Cong Yap a ti kangrunaan a paggep ti nasao a kompetisyon ket tapno ital-o ken papigsaen dagiti programa iti sports ken tapno maikkan gundaway dagiti atleta iti naan-anay a kapadasan wenno experience bayat nga ireprepresentar dagitoy dagiti nagtaudan da a munisipyo.
Idaolwan dagiti munisipal mayors ti panagparada dagiti competing teams idiay Benguet Sports Complex nu sadino agserbi kas kangrunaan a sangaili ditoy da Benguet Governor Melchor Diclas ken dagiti dadduma pay a provincial officials.
Ditoy a mangipaay ti inspirational message ni Cong Yap kadagiti players ken coaches ken mapasarunuan ti “Oath of Sportsmanship” babaen iti reigning Most Valuable Player a ni Cyril de Vera.
Impanamnama ni Roderick Osis, commissioner ti Cong Eric Go Yap Congressional Cup a nakasaganan ti liga a mangited iti high level competitions kadagiti umili ti Benguet.
Dakkel dagiti agur-uray a premyo iti agkampeon iti dua a liga nu sadino maikkan dagiti competing teams iti gongguna karaman pay a maparaburan dagiti mapili da a grupo wenno asosasyon.
