Manamnama a maipaay wenno maikkan iti baro a variety ti strawberry babaen ti pannakikoordinar ti munisipyo ti La Trinidad, Benguet iti pagilian a Japan.
Sigun kenni Mayor Romeo Salda, manarimaan ti pannakitungtung ken pannakaiproseso dagiti kaskenan a dokumento para iti nasao a variety ti strawberry.
Nupay kasta, saan paylaeng a maibaga ti specific a variety daytoy ngem manamnama pay ti kanayunan a variety ti nasao a produkto.
Gapu iti dayta, manamnama a bukel wenno seedlings ti maipaay ngem kasapulan paylaeng a matesting no mayat metlaeng iti klima sadiay La Trinidad.
Maysa met a rason ti panagkiddaw dagitoy ket gaputa kurang ti bilang ti production yield ti sweet charlie rason a kasapulan a manayunan pay daytoy.
Kinuna ni Mayor Salda a kasapulan a 24 tons ti rumbeng a maparnuay tunggal maysa nga ektarya ngem 18 tons tunggal ektarya laeng ti maparparnuay ti mula dagiti mannalon a sweet charlie.
Kabayatanna, maipalagip a ti giant ken missionary strawberry manipud America laeng ti maar-aramat para iti strawberry jam rason a kasapulan pay ti kanayunan a variety.
Malaksid iti dayta, kidkiddawen metlaeng ti nasao nga opisyal a mapaadu pay ken idevelop dagiti white wenno Snowwhite a variety ti strawberry tapnu umad-adu pay dagiti sabali a variety a maimul-mula a maiproduce ti munisipiyo ti La Trinidad.
Daytoy ket gaputa maysa ti snow white a variety ti strawberry a kinasam-itan.//Bombo Noveh Organo
