--Ads--
BAGUIO CITY – Parikot iti relasyon ti makitkita a rason iti panagkettel ti maysa a construction worker iti bukodna a biag sadiay Purok 9, Pinsao Proper, Baguio City idi kalman.
Ti nasao a construction worker ket agtawen iti 23, baro ken tubo ti Sison, Pangasinan.
Maibasar iti report ti pulisya, nasarakan a nakabitin ti nasao a baro iti construction site a pagtatrabahuanna babaen iti maysa nga electrical cord.
Sakbay iti nasao nga insidente, nag-iinom iti arak ti baro ken dagiti katrabahuana iti metlaeng nakapasamakan ti insidente.
Nagdesisyon met ti maseknan a pamilya a saanen a maipasidong iti otopsiya ti bangkay ti baro. (-with Bombo Brigitte Marcasi)
