Indauluan ni Engr. Jean Borromeo, Regional Director ti Environmental Management Bureau ti Department of Environment and Natural Resources – Cordillera (EMB-CAR) ti pannakailukat ti baro nga air monitoring system idiay Burnham Lake, Baguio City itay agsapa.
Sigun ken Regional director Jean maysa kadagiti kangrunaan a panggep daytoy nga air Quality Monitoring System ket para ito kumunidad ken tapno masigurado ti kalidad ti angin a malang-ab, nangruna ket adu dagiti tattao nga agturturong sadiay Burnham, Baguio City tapno agrelaks ken agehersisio.
Dinakamatna a ti nasao a proyekto ket napundoan iti P10 million.
Maipalagip a nadadael ti sigud nga air monitoring system idiay Burnham Lake idi 2018 gapu iti panaglayos.
Inlawlawag met ni Engr. Boromeo a ti baro nga air monitoring system ket saanen a nalaka a madadael uray mapasaran ti panaglayos.
Maibasar iti kaudian a datus, addan ti tallo nga air monitoring a naimuntar iti siudad ti Baguio nu sadino masarakan dagitoy idiay Lower Session Road, Camp John Hay, ken Burnham Lake.
Kabayatanna, nagyaman met ni Atty. Rhenan Diwas, dadaulo ti City Environment and Parks Management Office ( CEPMO) ti nasao a proyekto ken inkarina metlaeng a kanayonda bantayan ken bisitaen ti site.//BLNC Lerma Hoyanoc
