Manamnama ti panakapatakder ti baro nga opisina ti Baguio City Police Station Police Station 9 sadiay Irisan, Baguio City.
Iti panakiuman ti Bombo Radyo iti maysa a pulis a nakadestino iti nasao nga stasyon, kinunana a ti panakaibangon ti baro nga stasyon dagitoy ket kas panangsolbar iti adayo a lokasyon ti opisinada.
Kinuna met ni Kapitan Arthur Carlos a daytoy a panggep ket naipakaammo metten kadagiti opisyales no sadino mangnamnama a maaprobaran daytoy iti kabiitan a panawen.
Ti nasao a panggep a panakaipatakder ti baro nga opisina ti Police Station 9 ket iti abay ti Multipurpose hall ti Irisan, Baguio City.
Daytoy ket gapu ta nalawa ti lote a mabalin a pakaibangonan dagiti pasdek.
Kabayatanna, ti daan a Barangay hall ti Barangay Irisan ket panggep ti kapitan a pagbalinen daytoy kas day care center iti Lower Irisan.//Bombo Noveh Organo
