Impasigurado ti Health Insurance Corporation (PhilHealth)-Cordillera nga agtultuloy latta ti panangipaayda kadagiti benepisyo dagiti miembro dagitoy.
Iti pannakiuman ti Bombo Radyo kenni Magnolia Del Rosario, pannakangiwat ti Health Insurance Corporation (PhilHealth)-Cordillera, kinunana nga awan ti pagdanagan dagiti miembro dagitoy agsipud ta agtultuloy latta ti serbisyoda iti baet ti isyu a sangsangwen dagitoy.
Sigun kenni Del Rosario, saan latta nga agsardeng dagitoy a mangipaay iti benepisyo iti baet ti zero subsidy.
Kinunana a minmintinaren dagitoy ti takderda a kabaelanda a bayadan dagiti health services dagiti miembro dagitoy.
Impettengna met nga adu dagiti ngimmatoan dagiti serbisyo dagitoy kas iti benepisyo para kadagiti hemo dialysis patients, breast cancer patients ken dadduma pay.
Adu met dagiti polisiya dagitoy nga ipatungpalda kas kadagiti naaprobaran a dental benefits, cataract extraction for children ken ti 30% a panagngato ti benepisyo dagiti miembro.
Impasiguradona metlaeng nga umdas ti pundo dagitoy iti baet dagiti karit a sangsanguenda iti agdama.
Kabayatanna, nagpalagip met daytoy kadagiti PhilHealth members nga aramaten dagiti benepisyo dagitoy kas iti PhilHealth Consulta no sadino mabalin a makaavail iti libre a check-up ken dadduma pay.
