Congressman Eric Go Yap Post
Nangipablaak iti nagsina a mensahe da Benguet Congressman Eric Yap ken sigud a Benguet Vice Governor Ericson “Tagel” Felipe itay parbangon, February 19, 2026.
Iti ladawan dagitoy, agkadua da Congressman Yap ken sigud a Benguet Vice Governor Tagel, kadduada dagiti sumagmamano nga indibidual.
Iti impablaak ni Benguet Congressman Eric Yap, nangibinglay daytoy iti mensahe panggep iti pammakawan ken rekonsilyason.
Imbinglay na nga iti manu a tawen, agkitkita laeng dagitoy kadagiti okasyon.
Nupay kasta, naikkan daytoy iti gundaway a makitugaw ken makisarita kenni sigud a Benguet Vice Governor Ericson “Tagel” Felipe.
Intuloy na nga insalaysay a saan a naladaw ti ammin para iti reconciliation.
Pinagyamananna met dagiti simmuporta kadakuada ken namnamaenna a daytoyen ti pagpatinggaan ti inawaganna a “dividing lines” manipud idi eleksyon idi napalabas a tawen.
Former Benguet Vice Governor Ericson “Tagel” Felipe’s Story
Impablaak metlaeng ni sigud a Benguet Vice Governor Ericson “Tagel” Felipe ti ladawan dagitoy kenni Benguet Congressman Eric Go Yap.
Iti nasao a pablaak, imbinglayna a naaddaan dagitoy ti gundaway a makisarita kadduana ti asawana kenni Congressman Yap kalpasan iti tensyon a napasamak iti nagbaetan dagitoy.
Sigun kenkuana, saan a nalaka ti nasao a panag-reconcile da ngem sigun kenkuana, idi inyawat ni Congressman Eric Yap ti imma daytoy, ammona a kasapulanna nga ag-respond.
Innayonna a nagpagsaritaandan dagiti kasapulanda a pagsaritaan ken narisotdan dagiti kasapulanda a risoten.
Sigun pay kenni Tagel, ti nasao a reconciliation iti nagbaetanda ket saan a para iti imahe wenno politika ngem para iti inawaganna kas “surrender”.
Kinnidawna pay ti agtultuloy a panangikararag kenni Congressman Eric Yap, supporters dagitoy, kasta met kenkuana.
Maipalagip a naaddaan iti nabara a tensyon iti kampo ti dua nga opisyal idi napalabas nga Election no sadino, nangngayangay dagitoy kas Congressman ti probinsya ti Benguet.
Nagballgi met kas Kongresista ti Benguet ni Congressman Eric Yap. // Bombo Karen Calpoe Sapirao
