BAGUIO CITY – Bimmaba ti bilang dagiti newly arrested person a maiturturong iti Baguio City Jail Male Dorm sipud nangrugi ti COVID-19 pandemic.
Inwaragawag daytoy ni Jail Superintendent Mary Ann Tresmanio ti Baguio City Jail Male Warden kasaruno ti panakailista ti nababa a krimen iti nagduduma nga istasyon ti pulisya.
POatienna nga epekto daytoy ti panakalimitar ti garaw dagiti tattao nga agpangpanggep nga agaramid iti dakkes.
Dinakamatna nga iti agdama ket dumanon laeng iti 300 a persons deprived of Liberty(PDLs) ti banbantayanda iti pagbaludan.
Nupay kasta, impettengna a nainget latta ti panangisayangkatda kadagiti pagalagadan nu sadinno nasken a maipasidong iti COVID-19 testing ken 14-day quarantine dagiti barbaro a balod sakbayda a mainayon kadagiti sigud a balud.
Inyunay-unayna pay a libre ti swab test dagiti balud gaputa inisponsoran daytoy ti DOH-Cordillera ken Baguio Health Department.
