Ngimmato ti bilang dagiti barko ti China iti West Philippine Sea iti agarup lima pulo.
Maibasar iti datos ti Philippine Navy manipod Hunio 4 agingga 10 ket nakaimatangda ti pakabuklan a 146 a Chinese vessels iti walo a “maritime features” nu sadinno, 108 kadagitoy ket Chinese Maritime Militia vessels (CMMV), 22 ket People’s Liberation Army Navy (PLAN) vessels, ken 16 ket dagiti China Coast Guard vessels (CCGV).
Nasarakan dagiti barko bayat ti nasao a petsa, nangatngato nu idilig iti 125 a barko a namonitor manipod May 28 agingga June 3.
Lima pulo kadagiti barko ti Chinese ket masarakan iti Ayungin Shoal wennno pagaamo metlaeng kas Second Thomas Shoal, 105 nautical miles west ken masarakan iti 200-mile exclusive economic zone (EEZ) ti Pilipinas.
Naduktalan metlaeng ti 42 a barko iti Pag-asa Island, ken 33 iti agtaltalinaed iti Scarborough Shoal (Bajo de Masinloc or Panatag Shoal).
Sumagmamano a barko ket nakita iti Kota Island, Likas Island, Lawak Island, Panata Island, ken Sabina Shoal.
Ita a lawas, agarup tallo pulo a Chinese maritime militia vessels ti nakita iti Rozul wenno Iroquois Reef.
Naduktalan dagitoy babaen ti “satellite imaging” ken naipablaak daytoy iti social media nga inruar ni security analyst Ray Powell.
Iti agdama, agtultuloy latta ti panagmonitor ken panagbantay dagiti maseknan nga ahensia ken otoridad.
