Bimmaba iti 2.36 percent ti bilang dagiti blood donors iti siudad ti Baguio idi Enero agingga Mayo iti agdama a tawen no idilig iti 5.5 percent a bilang dagitoy idi 2019.
Sigun kenni Dr. Kristoffer Ted Angala, Medical Officer IV iti Deparment of Internal Medicine, Baguio General Hospital Medical Center, kadawyan dagiti agtawen ti 25 angginga 44 a lalaki dagiti blood donors iti siudad.
Maibasar iti datos ti Department of Internal Medicine iti Baguio General Hospital Medical Center, kabassitan a bilang ti AB kadagiti blood donor bayat a Blood type O ti kaaduan.
Nupay kasta, dagiti addaan iti nasalun-at a bagi, normal ti Blood Pressure, saan nga anemic ken dadduma pay ti mabalin nga agdonar.
Malaksid iti dayta, inyunay-unay ni Dr. Angala a maipawil nga agdonar dagiti addaan iti sakit kas iti active cancer, heart and lung deseases, hepatitis, Human immunodeficiency virus (HIV) ken dagiti addaan iti High risk occupation kas iti prostitution ken dadduma pay.
Kabayatanna, guyguyuguyen ti nasao a doktor ti publiko nga agdonar iti dara, nu sadino masya daytoy a healthy habbit a saan a mangdadael iti salun-at,no diket maysa a wagas a mangpabaro iti dara.//mp4
