--Ads--
Ngimmato ti bilang dagiti nagparehistro para iti lokal ken national election inton sumaruno a tawen.
Iti interview ti Bombo Radyo kenni Atty. John Paul Martin, Election Officer ti Commission on Elections – Baguio, agarup innem a ribo nga indibidual ti nagparehistro ken manamnama a manayonan pay daytoy iti maipatungpal a mall registration inton Agosto ken Setyembre ita a tawen.
Sigun kenkuana, panggep ti ahensiya a magun-od ti agarup 15,000 a bontante nga agparehistro.
Kabayatanna, al-allukoyen ni Atty. Martin dagiti umili nga agparehistroda ken liklikanda ti last minute registration gapu ta manamnama nga attidog ti pila iti nasao a panawen.//Bombo Mera Pacpacan
