BAGUIO CITY- Manamnama nga manayunan ti bilang dagiti pagadalan a mangipatungpal iti limited face to face classes iti rehiyon Cordillera.
Iti interview ti Bombo Radyo Baguio ken Department of Education- Cordillera Public Information Officer Georaloy Palao-ay, kinunana a manarimaan ti panagsagana dagiti dadduma a pagadalan para iti implementasyon ti school safety assesment tool a maysa kadagiti maikalikagum tapnu mapalubusanda a mangipatungpal iti nasao a wagas iti pannagadal.
Kinunana a dumanonen iti 863 manipod iti 10,000 a pakabuklan a bilang dagiti pagadalan ditoy rehiyon iti manarimaan a mangipatpatungpal iti face to face classes.
Manipod iti nasao a bilang, nailista sadiay Mt. Province ti ngatuan a bilang a dumanon iti 267 kalpasan a nakapasada iti assesment ken nakaawat iti suporta ken pammalubos iti lokal a gobierno a makinsakop kadakuada bayat a nailista met ditoy Baguio City iti kababaan a bilang a dumanon laeng iti duwa.
Inlawlawagna a nasken pay a pumasa dagiti pagadalan ditoy Baguio City iti safety seal ti lokal a gobierno.
Iti baet ti dayta, mangnamnama dagitoy a makailukatda iti uray 1000 a bilang dagiti pagadalan tapnu mangipatungpal iti face to face classes kagiddan iti saan a pannakailaksid dagiti minimum public health protocols tapnu maipasigurado latta ti kinatalged ti salun at dagiti studyante ken manursuro.
Innayunna a saanda nga irequire a nabakunaan kontra COVID19 dagiti studyante sakbayda a sumrek ngem adda latta kadagiti lokal a gobierno kadagiti probinsya ti rehiyon nu mangbukelda iti bukodda a polisiya a nasken a vaccianted dagiti ubbing a makipaset iti face to face
