BAGUIO CITY – Guyguyuguyen ni Baguio City Mayor Benjamin Magalong dagiti commuters iti panangipaayda iti fare donations kadagiti public utility vehicle drivers.
Babaen iti daytoy ket matulungan dagiti drivers ken maguyuguyda para iti agtultuloy a panangipaayda ti serbisyo iti publiko iti baet ti krisis iti produkto a petrolyo ken parikot iti trapiko a mapaspasaran iti syudad.
Sigun ken Mayor Magalong, mapagyamyamanan dagiti donasyon para kadagiti jeepney ken taxi drivers babaen iti saan a panangala kadagiti barya wenno panangipaay dagiti pasaheros iti sobra a pamasahe kas panangipakita iti panagyaman, appreciation ken concern kadakuada
Kinunana nga uray manu nga amount ti maited ket dakkel latta daytoy a tulong kadagiti drivers a makarikrikna iti epekto ti agtultuloy a panagngato ti presyo ti petrolyo.
Kabayatanna, inyunay unay ti mayor a nasken a boluntaryo a maipaay dagiti donasyon ken saan a mandatory warning that some people may abuse the privilege.
Kagiddan iti dayta, binallaaganna dagiti mang abuso iti daytoy nangruna kadagiti mangipilit nga agsingir iti nangatngato nu iti pamasahe
Malaksid iti dayta, binilin ti Mayor dagiti opisyal ti barangay a mangwanawan kadagiti abusive behavior wenno anyaman a panag abuso dagiti drivers kadagiti pasaheros dagitoy.
