BOSTON, USA – Kasano kadi nu iti mismo a panagkallaysam ket isu met ti pakaaksidenteam?
Daytoy ti kapadasan ti agassawa bayat ti karagsakan nga aldaw da idiay Estados Unidos.
Naikallaysa da Blake ken Mary Greenwell idi October 2019.
Bayat ti panagurayda nga agrugi ti reception dagitoy, nagpaubba ni Blake ken ni Mary.
Nupay kasta, saan a nabaelan ni Mary a bagkaten ni Blake gapu iti kinadagsenna a nangitunda iti nakadunoran ti saka daytoy.
Iti immuna, impagarup dagiti bisita nga agang-angaw laeng ni Mary agingga a dimmakel ti saka-na.
Dagus met a naitaray daytoy iti ospital ken saanen a natuloy ti daduma pay nga aktibidad iti kasar dagitoy.
Saanen a napasamak pay ti panakilangenda kadagiti 150 a bisita da iti reception ken awan ti honeymoon gapu ta nagmalmalemda iti ospital.
Iti agdama, inaklon ni Blake a maladladingitan nu malagipna ti pasamak ngem katkatawaan laeng ni Mary ti nasao a twist iti baet ti napasamak nga aksidente bayat ti panagkallaysa dagitoy.
