Nasken a maadal ti budget ni Vice President Sara Duterte para iti seguridad daytoy, sigun iti maysa a mamanday linteg ti pagilian.
Daytoy ket kalpasan a kinumpirmar ti Armed Forces of the Philippines (AFP) a dumanon iti uppat a gasut a personnel dagitoy ti nakadeploy para iti panakaprotektar ti bise presidente.
Maipalagip nga immuna a kinuwestionar ni Vice President Duterte ti Philippine National Police (PNP) kalpasan ti panakaikkat ti 75 a security personnelna nupay kasta, saanna nga impakaammo a sitatalinaed ti 400 a military personnel daytoy.
Sigun kenni Manila Representative Joel Chua, dakkel a pondo ti maar-aramat para iti seguridad iti pamilya ni Duterte rason a rumbeng a maadal nu kasano a maus-usar ti kwarta ti publiko.
Impeksa ni Chua nga umdas ti sangagasut a police security para iti pamilya ti bise presidente a pakairaman ti asawa ken anak daytoy.
Innayonna pay a ti panangbabalaw ti bise presidetne iti agdama nga administrasyon ket wagasna tapno iyaw-awanna ti atensyon ti publiko maipapan iti kaudian a tripna sadiy Germany kabayatan ti panagdalapos ni bagyo a Carina.
