--Ads--
![](https://img.bomboradyo.com/baguio/2019/05/POLICE-REPORT.jpg)
BAGUIO CITY – Pimmusay ti maysa a CCTV installer/technician kalpasan a nakuryente sadiay Green Valley Subdivision, Baguio City.
Nabigbig daytoy a ni Alexander Sultan, 29-anyos, residente ti Bascil, Bacnotan, La Union.
Sigun iti pulisya, manarimaan ti panangimuntar ti biktima ken ti kadwana iti CCTV camera iti nasao a subdivision idi napasamak ti insidente.
Imbarsak ti biktima ti maysa a bato a nabalkot ti wires para iti CCTV camera tapnu maikonektar kuma iti connecting post.
Nupay kasta, naisagid daytoy iti maysa a live wire nga addaan 27,000 watts a nagresulta iti panakakuryente ti biktima.
Dagus a naitaray daytoy iti pagagasan ngem naideklara a dead on arrival.