Binilin ti Office of the Ombudsman ni Cebu Governor Gwen Garcia nga ilawlawagna ti saanna a panangipangag iti imun-una a suspension order kontra kenkuana.
Nagkiddaw met ni Ombudsman Samuel Martires iti Department of Interior and Local Government (DILG) no apay a saan pay a naipatungpal ti suspension, a nakalanad iti surat nga “immediately executory.”
Iti surat a napetsaan ti May 19, 2025, imbilin ti Ombudsman kenni Garcia a mangipakita ti rason iti uneg ti lima nga aldaw manipod iti pannakaawatna ti surat nu apay a saan a direkta a ma-contempt gapu iti agtultuloy a panagkedkedna iti pammilin ti Ombudsman a napetsaan ti Abril 23, 2025.
Iti agdama, awan pay ti komento ni Garcia ken ti Department of Interior and Local Government (DILG) seknan iti nasao a banag.
