--Ads--
Impablaak ti Department of Health a ti kaaduan a kaso ti rabies iti pagilian ita a tawen agingga iti Mayo 17, 2025 ket central Luzon.
Sigun kenni DOH spokesperson Albert Domingo , nakairekord ti Central Luzon iti 21 a kaso ti rabies.
Sinnaruno daytoy ti Zamboanga Peninsula nga addaan ti 15 a kaso ken CALABARZON nga addaan ti 12 a kaso.
Numan pay adda latta ti mailislista ti kaso ti rabies, kinuna ni Domingo nga ad-adda a bimmaba ti bilang ti kaso iti agdama nu idilig idi napalabas a tawen.
Kabayatanna, idagdagadag ni Domingo iti publiko nga adaywanda dagiti ayup a kas ti aso wenno pusa nu maobserbaranda a saan a nasayaat ti galad dagitoy tapno maliklikan ti rabies virus.
