Inlawlawag ti Commission on Elections nga awan ti siasinoman a mabalin a makagaraw kadagiti balota uray pay no adda dagiti saan a na-shade a kandidato wenno ti maaw-awagan nga ‘undervotes.
Sigun kenni Comelec Chairman George Erwin Garcia, dagiti automated counting machines ket adda ti mekanismona tapno masigurado ti integridad ti botos, ken saan a mabalin a baliwan dagiti balota iti aniaman a wagas.
Ti aniaman nga isyu seknan iti “undervotes” ket saan a kayatna a sawen a nabaliwan ti proseso ti panagbotos.
Malaksid iti daytoy, kinuna ti Comelec a dagiti balota ket dimmalan iti nainget a proseso ti panagimprenta ken panangkita tapno masigurado nga umno ken saan a a nabaliwan.
Dagitoy nga addang ket paset iti agtultuloy a panangpatalinaedda iti integridad ken kredibilidad iti pagilian.
