--Ads--
Impakaamo ti Commission on Elections sadiay Bamban, Tarlac a silulukat dagitoy a mang-akseptar iti kandidatura nga ipila ni sigud a Bamban, Tarlac Mayor Alice Guo para iti 2025 national elections.
Sigun kenni Bamban Commission on Elections Officer Edmund Salvador, awan ti ideyada nga agipila ni Guo iti kandidaturana ngem saan dagitoy a maklaat nu daytoy ket tumaray gapu ta awan pay laeng ti pinal a desisyon ti korte iti kasona.
Immunan nga impakaamo ti abogado ni Guo a daytoy ket tumaray kas mayor ti Bamban iti laksid dagiti sangsangoenna a kaso.
Kinuna ni Atty. Stephen David a dagiti umili sadiay Bamban ti agdesisyon nu maikari pay laeng ni Guo nga agserbi iti nasao a lugar.
