Tinagiragsak dagiti chikiting wenno dagiti uubbing a makipicture kadagiti cosplay buskers a nagpwesto idiay Burnham Park, Baguio City bayat ti isasangbay iti Paskua.
Bayat ti isasangbay iti Paskua, adu dagiti nagdadapon iti nasao a parke nu sadino, daduma kadagitoy ti nagistambay iti picnic area, daduma ket nagbangka iti lake drive, daduma ket nagbike, ken dagiti daduma ket nagfood trip kadagiti maidiaydiaya a taraon kadagiti chalets iti Rose Garden.
Adu kadagiti uubbing ti naginteres a makipicture iti sumagmamano a buskers kas iti maysa nga aglanglanga iti nalatak a Pokemon a ni Pikachu, ti Santa Claus, ti naglanga kas iti Marvel character a ni Ironman, ken karakter kadagiti transformers.
Naragsak met dagiti nagannak wenno guardians a nangkadwa kadagiti uubbing a makipicture kadagiti nadakamat a karakter.//Bombo Rob Dominguez
