Kidkiddawen ni PCOL. Maria Theresa Pucay, mangidadaulo iti Regional Unti-Cybercrime Unit Cordillera a dagus nga ireport ti publiko dagiti insidente iti scam partikular kadagiti kapulisan tapno ma-retrieve dagiti natakaw nga account dagitoy.
Sigun kenkuana, mabalin a makatulong dagiti Anti-cybercrime unit kadagiti biktima iti scam.
Nupay kasta, kasapulan ti imatang dagitoy tapno ipaayda dagiti pudno nga impormasion seknan iti accounts dagitoy.
Kabayatanna, inwaragawag ni PCOL. Pucay nga awan paylaeng ti nabigbig a hacker manipud iti siudad ti Baguio agsipudta, kaadduan kadagitoy ti nagtaud iti sabali a rehion.
Gapu iti dayta, makidkiddaw metlaeng ti tulong dagiti counter part office dagitoy para iti dagus a pannakabigbig dagiti suspek manipud iti sabali a rehion.
Iti baet dayta, patien ni Pucay a natalged dagiti Public Free Wifi manipud iti Department of Information and Communications Technology (DICT) ken dagiti free wifi nga ipapaay ti gobierino.
Kabayatanna, saan nga ibalbalakad ti nasao nga opisial ti panagdownload iti application a kontra iti scam agsipudta, maysa metlaeng daytoy a wagas tapno ma-access dagiti scammer ti pribado nga account ti maysa nga indibidual.//mp4
