--Ads--
Dumanon iti P54 million ti danyos ti nadadael a pagay idiay Kalinga gapu paylaeng iti Severe Tropical Storm Kristine.
Gapu iti dayta, pakabuklan iti 4,188 nga ektarya ti naapektaran iti daytoy.
Sigun kenni Tabuk City Agriculturist Lim Ducyogen, kaadduan kadagiti nadadael a pagay ket dagiti paylaeng agsabsabong no sadino naapektaran dagitoy iti napigsa nga angin kasta metten ti napigsa a panagbayakabak ti tudo.
Indauluan met ni Ducyogen ti pannaka-inspect kadagiti babbarangay nga asideg iti Chico river line, Ipil, San Juan, Magsaysay, Laya West, Balong agingga iti Cabaruan.
