Ngimmato iti siyam a pulo ti nailista a death toll gapu paylaeng iti epekto ti bagyo a Kristine.
Nupay kasta, sigun kenni Office of Civil Defense Administrator, Undersecretary Ariel Nepomuceno, dagiti dadduma ket manarimaan paylaeng ti pannakavalidatena.
Gapu iti dayta, kinunana a maur-uray paylaeng ti kumpirmasyon manipud kadagiti local government units.
Malaksid iti dayta, nakailista metlaeng dagitoy iti tallo pulo ket innem nga indibidual a mapukpukaw bayat a pito pulo ket maysa ti nadangran.
Kaaduan met kadagiti pimmusay iti daytoy ket gapu paylaeng iti landslides, ken panaglayos.
Gapu iti dayta, pakabuklan iti 5.7 million a tattao wenno 1.4 million a pamilya ti naapektaran iti daytoy.
Kabayatanna, agarup 25,000 met a babbalay ti nailista a partially damaged bayat a 2,000 ti totally damaged.
Iti agdama, manarimaan paylaeng ti panagmonitor ti Philippine Coast Guard (PCG) kadagiti na-stranded a pasaheros.
