--Ads--
Nagballag ti Department of Health iti publiko a liklikanda a mangan ti halo-halo ita a nabara ti panawen tapno maliklikdan dagiti sakit, manipud kadagiti kontaminado a ramen daytoy.
Sigun kenni Ted Herbosa, Health Secretary ti Department of Health, addaan ti Halo-Halo ti ramen a nalaka a makontaminado ken posible a pakaigapuan ti sakit.
Innayon pay ti nasao nga opisyal a mabalin nga umado dagiti bacteria kadagiti nasam-it a ramen ken mangpataud iti kontaminasion partikular iti acute gastroenteritis, nangruna no mabaybay-an a nakaparang dagiti ramen iti init.
Kasaruno daytoy ti umad-adu a kaso ti Diarrea idiay Kidapawan City, Cotabato gapu iti pananganda ti Halo-Halo itay nabiit.
