Impakaammo ti Department of Migrant Workers (DMW) nga am-ammuen dagitoy no adda dagiti Filipino Seafarers a nadangran iti panag-atake iti Dutch-flagged cargo ship a Minervagracht sadiay Gulf of Aden.
Sigun kadakuada, dagus dagitoy a nakipagsarita iti ship operator, employer, dagiti manning agency ken iti Department of Foreign Affairs (DFA) tapno maberipikar ti kasasaad dagiti Filipino Seafarers sadiay.
Kagiddan dayta, impasiguradoda a nakasagana dagitoy a mangipaay iti tulong kadagiti Filipino seafarers kas iti medical assistance, repatriation, counseling, psychological support, legal aid ken dadduma pay.
Maibasar iti damag sadiay, naiyakar dagiti rescuer dagiti 19 a seafares a pakairamanan dagiti Russian, Ukrainian, Pilipino, ken Sri Lankan, kalpasan a naatake dagitoy babaen iti explosive device.
Nupay kasta, maysa ti nadangran iti daytoy ngem addan iti nasayaat a kasasaad bayat a maysa pay ti nakaro a nadangran ken naiturong daytoy iti Djibouti, East Africa para iti panakataming.
