Impakaammo ti Department of Justice(DOJ) a kwestyunaran daytoy ti nagbalin a desisyon ti Manila Regional Trial Court Branch 15 a panaka-abswelto ni Arnolfo Teves Jr. iti kasona a murder iti daydi sigud a Negros Oriental 3rd District Provincial Board Member Miguel Lopez Dungog idi 2019.
Iti desisyon nga inruar ti nasao a korte idi Enero, nakalanad a kurang ti ebidensya kontra iti akusado rason a napatgan ti demurrer to evidence nga impila ni Teves.
Malaksid kenkuana, naabswelto metlaeng dagiti kapada ni Teves a naakusaran a da Richard Cuadra ken Rolando Pinili kalpasan a nangipila metlang dagitoy iti kapada a mosyon a pinatgan ti nasao a korte.
Ti demurrer to evidence ket mosyon a mabalin nga ipila ti akusado tapno madismisar ti kaso daytoy nu malpas ti prosekyusyon ti presentation of evidence.
