Inyebkas ti Pilipinas ti kinapositibona kalpasan ti balligi ti umuna a panagkita da US President Donald Trump ken Prime Minister Shigeru Ishiba.
Sigun iti Department of Foreign Affairs (DFA), nasayaat ti panagtaripnongda gaputa mangipasimudaag para iti pannakaipatungpal ti “shared vision of a free and open Indo-Pacific.”
Kinuna pay ti nasao nga ahensia a segseggaan ti Pilipinas ti agtultuloy a panagtinnulong dagiti dua a pagilian, kaduada ti Pilipinas.
Simrek dagiti tallo a pagilian iti trilateral partnership idi 2024, ken pangepda a maisayangkat ti napagtipon a “naval training” ken “exercises.”
Iti joint vision statement, inkari ti tallo a pagilian a papigsaenda ti panagtitinnulongda kadagiti panagregget a mangitandudo iti domain awareness, agraman ti humanitarian assistance ken disaster relief.
Maipalagip nga idi Enero iti agdama tawen, dinakamat ni President Ferdinand Marcos Jr. iti tawag iti telepono kada Ishiba ken sigud nga US President Joe Biden nga adda ti panagrang-ay sipud idi nangrugi ti panagkaduada.
