Daytoy ti mensahe ni Police Corporal Eric Dulnuan, Top 1 ti Macadhang Class 02-013-RCOR-2024-001.
Ni Police Corporal Dulnuan ket kameng ti Baguio City Police Office ken maysa kadagiti walo pulo a pulis a nagturpos ken nakakompleto iti 480 hours a Basic Internal Security Operations Course (BISOC).
Naangay ti graduation ceremony dagitoy idiay TSF II, Philex Mines, Padcal, Ampucao, Itogon, Benguet itay agsapa.
Nangrugi ti training dagitoy idi Marso 26, 2024 ken nagleppas daytoy ita nga aldaw, Mayo 24, 2024.
Ti Basic Internal Security Operations Course (BISOC) ket naaramid tapno manayonan ti skills ken kapabilidad dagiti pulis.
Paset ti nasao a programa ti pannakaipasidong dagiti pulis iti action drills, land navigation, water search and rescue ken dadduma pay.
Babaen iti daytoy ket agbalin nga epektibo dagiti police officers a manglaban iti kriminalidad, terorismo ken insurhensiya iti pagilian.//Cara S. Sacyaten
