Nagballaag ti Department of Health (DOH) and the Philippine Institute of Traditional and Alternative Health Care (PITAHC) iti publiko kontra kadagiti peke a Generic medicines iti merkado iti baet nga agpada ti kalidad daytoy iti branded nga agas.
Maipalagip nga intampok dagiti ahensia ti kinaepektibo dagiti generic ken tradisional nga agas bayat ti pannakarambak ti Generics Awareness Month itay nabiit.
Nupay kasta, kinunada a rumbeng laeng a gumatang kadagiti lehitimo a drug stores tapno masigurado a saanda a makaala iti peke nga agas.
Kabayatanna, kinunana ni Department of Health Assistant Secretary Mayleen Beltran a masapul a maitandudo dagiti Generic medicines ken awan ti rumbeng a pagdanagan ti publiko, gaputa nagdalan dagitoy kadagiti regulatory processes ken napaneknekan nga addaan dagitoy iti isu met laeng a kalidad a kas kadagiti branded nga agas.
