Nagballaag ti Department of Health (DOH) iti publiko kasaruno ti agwarwaras a post iti social media a mapapati a ti bird’s eye chili wenno ti “siling labuyo,” ket makaagas iti aniaman a diseases partikular ti dengue.
Ti nasao a post nakasurat a ti siling labuyo ket maysa a healing properties kontra iti dengue, nakasurat pay a mabalin daytoy a mangpangato iti platelet levels dagiti apektado nga indibidual.
Nupay kasta, kinuna ti Department of Health (DOH), a ti kasaayaatan a wagas tapno malabanan ti nasao a sakit ket ti panangprebentar iti bagi kontra kadagiti lamok.
Kinunada ti kasaayatan nga aramiden ket ti panagusar iti long-sleeved a bado, ken pantalon tapno maminimize ti skin exposure ken agusar metlaeng kadagiti mosquito-repellent lotions ken sprays.
Malaksid iti dayta, impetteng ti nasao a departamento a dagus nga agpakonsulta apaman a mapasaran dagiti sintomas ti nasao a sakit kas iti panaggurigor, panagsakit ti ulo, rashes ken dadduma pay.
Impaganetgetda pay iti publiko a nasken a sukimaten a nalaing dagiti impormasyon manipud kadagiti credible sources ken platforms tapno maliklikan ti pannakaiwaras ti fake news.//Rose
