--Ads--
BAGUIO CITY – Agpapaimbagen ti driver ti elf truck a natnag iti rangkis sadiay Abuloy, Bayabas, Sablan, Benguet idi malem kalman.
Nabigbig ti driver a ni June Ford Ateniao Dagol, 44-anyos, naasawaan, company driver ken residente Monglo, Bayabas, Sablan, Benguet.
Sigun iti pulisya, pasang-at ti elf truck paturong iti Monglo Junction ngem saan a natantiya ti driver ti sharp curve iti nasao a lugar.
Nagresulta daytoy tapnu mapukaw ti driver ti kontrol iti nasao nga elf truck agingga a natnag iti rangkis nga addaan kauneg a nasurok 15 a metro.
Dagus met a nagresponde dagiti pulis ken bombero ti Sablan ken naispal ti biktima a naitaray iti pagagasan.
