--Ads--
Agpatpataming itan ti driver ti motorsiklo ken ti angkasna sadiay Atok District Hospital kalpasan a naidungpar dagitoy iti maysa a pajero sadiay Nan-agto, Natubleng, Buguias, Benguet itay agsapa.
Iti pannakiuman ti Bombo Radyo kenni Police Staff Sergeant Thompson Masilem, kinunana a nag-overtake ti nasao a motorsiklo rason a naidungpar dagitoy iti pajero.
Gapu iti dayta, nadangran dagitoy bayat a nadadael met dagiti sumagmamano a paset ti nasao a motorsiklo.
Iti baet dayta, dagus nga inturong daytoy ti driver ti lugan iti nasao nga ospital para iti pannakatamingda.
Innayon ni Masilem, a nagkappia metten dagitoy babaen iti nasayaat a panagsarita.
