--Ads--
BAGUIO CITY – Nakemmeg ti maysa a drug surrenderee ti Baguio City Police Office – Station 6 iti insayangkat dagiti otoridad a buy-bust operation sadiay Bayan Park, Aurora Hill, siudad ti Baguio idi kanikadua.
Nabigbig daytoy a ni Martin Joseph Alvior Cortez, 29-anyos, awanan trabaho, agab-abang sadiay Brookspoint, Aurora Hill.
Nakumpiskar kenkuana ti maysa a pakete ti mapapati a shabu nga agdagsen ti 0.90 grams ken narekober pay ti naaramat a boodle money.
Naamuan a ni COrtez ket high value individual a drug surrenderee idi 2017 ngem nakemmeg iti buy-bust operation idi 2019 ken iti agdama ket naka-probation.
