--Ads--
Naarestar dagiti dua a lalaki idiay Bakakeng Norte, Baguio City idi Martes, June 18,2024 gapu iti panangapapatayda iti aso.
Sumangsango dagitoy iti kaso a panaglabsing iti Republic Act No. 8485, wenno ti The Animal Welfare Act of 1998.
Sigun iti report, pinagbalin a pulutan dagiti akusado ti aso a pinapatay dagitoy baben iti panagaramatda ti lead pipe ken improvised pipe nga addaan ti kawit.
Dagiti akusado ket inreklamo ti agtagikua iti napapatay nga aso.
Kabayatanna, agtultuloy met ti panagregget dagiti otoridad para iti panakasalwad dagiti taraken nga ayop nu sadino, maipagpaganetget dagiti pannusa a posible a maipaay kadagiti siasinoman nga aglabsing iti daytoy.
