Immanamong ti dua nga agtestigo kadagiti lima nga indibidual a mapapati a biktima ni Kingdom of Jesus Christ (KOJC) leader Pastor Apollo Quiboloy kontra kenkuana.
Sigun kenni Davao City Police chief Police Colonel Hansel Marantan, dua laeng ti desidiso nga agtestimonia bayat a dagiti tallo ket agpanpanunot paylaeng.
Inlawlawag ti nasao nga opisial a saanda a napuersa wenno puersaen dagiti indibidual nga agtestigo kontra kenni Quiboloy.
Kinuna pay ni Marantan nga agtuloy a makikoordinarda kadagiti posible pay a biktima babaen iti tulong dagiti eksperto iti sitwasion.
Dinakamat pay ni Marantan nga “inusar’ ni Quiboloy dagiti menor de edad kas “sex slaves.”
Mapapati a naka-schedule ti pannakainaig dagitoy kenni Quiboloy kas maibasar iti aldaw iti makalawas.
Kabayatanna, dumanon iti sangapulo ket lima a menor de edad ti kasapulan a maispal iti uneg ti Kingdom of Jesus Christ idiay Davao City, sigun paylaeng kenni Marantan.
