KALINGA-Nasayaaten ti kasasaad ken nagsubli iti trabaho dagiti dua a soldado a nadangran iti namindua a daras a kinupak dagitoy iti nagbaetan ti rebelde sadiay Balbalan, Kalinga idi napalabas a tawas.
Maipalagip a nadangranda Corporal Jonard L. Addatu ken Private First Class Rojemar A. Cuyen,agpada a miembro iti 5th Infantry Division, troops of the 503rd Infantry Brigade iti rinnupak dagitoy iti grupo ti Komiteng Larangang Guerilla (KLG) idiay Balbalan Proper Kalinga.
Sigun iti 5th Infantry Division, troops of the 503rd Infantry Brigade, napasamak ti umuna a rinnupak iti nagbaetan iti grupo dagitoy ken ti sangapullo a maipagarop a miembro iti Komiteng Larangang Guerilla (KLG) Baggas iti nasao a lugar, pasado alas dies iti agsapa.
Nupay kasta, dagus a nakalibas dagitoy.
Kalpasan ti agarup tallo nga oras, napasamak ti maikaddua a rinnupak dagitoy sadiay Balantoy.
Kinompiskar dagiti otoridad manipud iti dua nga insidente ti M14 rifle, simprovised explosive devices, ken dadduma pay a kagawaan iti nasao a rebelde.
