Pimmusay ti dua a miembro ti Philippine Army 54th Infantry Batallion bayat nga uppat a miembro daytoy ti nadangran iti panagkimat a napasamak iti nagbaetan ti Western Uma Lubuagan, ken Balatoc Pasil iti probinsya ti Kalinga idi laeng Dominggo, May 12.
Sigun iti report, bayat nga ipatpatungpal dagiti innem a miembro ti militar ti military operation dagitoy iti nasao a lugar ket nakimatda.
Nabigbig dagiti pimmusay a da Corporal Andrew Five Monterubio ken ni Private First Class Immongog F. Aronchay.
Karaman met kadagiti nadangran da Segeant Denis Bananao, Private First Class Melvin Danggalan, Private Abegil Awingan, ken ni Private Riel Angya nu sadino, dagus met dagitoy a naitaray iti pagagasan.
Kagiddan dayta, nakomendaran met ti dagus a panagtignay ti mayor iti nasao a lugar para iti panakaipaay ti kaskenan a tulong iti pamilya dagiti pimmusay iti nasao nga insidente, kasta met a mapagyamyamanan ti napartak a panagresponde dagiti maseknan nga otoridad ken medical professionals iti panakataming dagiti nadangran.
