Balligi a naarestar dagiti dua nga indibidual iti impatungpal dagiti otoridad a buy bust operation idiay Barangay Quezon Hill, Proper, Baguio City ita nga aldaw.
Nabigbig dagitoy a da Ismael Rega Dipatuan ken John Ismael Satta agpada a residente idiay no.11 Jose Felipe, Quarry Lagoon, Baguio City.
Ti naballigi nga operasyon ket babaen iti panangidaulo dagiti operatiba manipud iti Regional Police Drug Enforcement Unit/Regional Intelligence Division lead unit, Baguio City Police Office Station 1 ken dadduma pay a yunit.
Nagresulta daytoy iti pannakakumpiskar ti maysa a transparent plastic cellophane a naglaon iti white crystalline substance a maatap a shabu nga aggatad iti P100,000.
Malaksid iti dayta, nakumpiskar metlaeng dagiti genuine one thousand piso bill boodle money, maysa a 125 Mio Soul Violet motorcycle ken dua a helmet.
