BAGUIO CITY – Agtultuloy ti kompetisyon dagiti agarup 650 players iti 2nd National Taekwondo Championship idiay Benguet Sports Complex, Wangal, La Trinidad, Benguet.
Dagiti Taekwondo pratitioners ket nagtaud manipud iti nagduduma a paset ti pagilyan para iti dua nga aldaw a high level competition manipud Hunyo 22-23.
Tallo a kategorya ti paglalabanan dagiti Taekwondo fighters, dagitoy ti Poomsae, Sparring ken Combat a salipan dagiti nagduduma nga age brackets.
Sigun kenni Danrey Velo, ti tournament director ken organizer iti National Taekwondo Championship, dagiti mabigbig a winners wenno mangabak iti pasalip ket maikkan gundaway nga ibagi ti pagilyan iti mapadpadaanan a Teakwondo tournament a maipatungpal iti ballasiw taaw.
Adda dagiti naisagana a medalya, trophies ken certificate ti maipaay kadagiti agballigi ken partisipanti iti nasao nga martial arts competition.
Ti sports competition ket babaen iti koordinasyon ken partnership iti Samahang Taekwondo ng Pilipinas, Kombat Taekwondo Philippines ken World Martial Sports.//Bombo Jordan Tablac
