Makikikoordinaren ti embahada ti Pilipinas iti United States immigration authorities tapno ilawlawag ti panggepda nga iyakar ti sumagmamano a nakabalud a migrants–karaman dagiti Pilipino–iti dadduma a pagilian a kas ti Libya, sigun kenni kay Ambassador Jose Manuel Romualdez.
Kinuna ni Romualdez a kayat metlaeng a maamuan ti embahada nu anya ti kasasaad dagiti Pilipino nga adda iti kostodiya ti Estados Unidos ken mano kadakuada ti addaan pammilin a paawiden wenno i-deport.
Innayonna pay a nakasaganan ti embahada a makitinnulong ti Pilipinas iti Estados Unidos tapno mapasayaat ti nasao a banag iti panangisubli kadagiti Pilipino a nakabalud.
Idi laeng Miyerkyules, nangiruar ti pammilin ti maysa a federal judge para iti temporario a panagsardeng ti panangiyakar dagiti migrants idiay Libya wenno aniaman a pagilian.
Immunan a binabalaw ni Senate President Francis Escudero ti panggep ti Estados Unidos nga iyakar dagiti migrants–karaman dagiti Pilipino–idiay Libya, nga inawagnna a “cruel.”
