Nangidiayan ti Federal Bureau of Investigation (FBI) iti $100,000 wenno katukada ti P5.5-milyon iti siasinoman a makaitudo iti suspek a nangpaltog a nangitunda iti ipupusay ni Charlie Kirk.
Numan pay narekober dagiti otoridad ti high-powered rifle a mabalin nga inaramat ti suspek ken sumagmamano a pangilasinan manipod iti suspek ket saanda paylaeng a nakemmeg ti suspek.
Inruar metlaeng dagiti otoridad dagiti ladawan a naala iti suspek bayat a daytoy ket agliblibas kalpasan ti insidente.
Maipalagip a napaltugan ni Kirk bayat ti pannakipasetna iti maysa a programa idiay Utah.
Immuna metlaeng a kinuna ni US President Donald Trump nga ipaayanna iti Presidential Medal of Freedom, ti kangatuan a civilian award nga ipapaay ti gobierno, kenni Kirk gapu iti naisangsangayan a kinaimbag nga impakitana.
