Inaprobaran ti Land Transportation Franchising and Regulatory Board (LTFRB) – Central Office ti pannakaipangato ti flag down rate kadagiti taxi services iti intero a pagilian parakairaman ti Cordillera Administrative Region (CAR).
Kasaruno daytoy, ti impila dagiti sumagmamano a grupo dagiti taxi drivers ken operators a kiddaw para iti provisional adjustment ken pannakaipangato ti air conditioned taxi services babaen iti pannakaipangato ti flag down rate iti duapulo a pisos (P20.00) manipud iti agdama nga uppat a pulo a pisos (P40.00) agingga iti innem a pulo a pisos (P60 .00) ken ti pannakai-adjust ti flag down rate depende iti presyo ti gasolina idiay Metro Manila.
Idi Setiembre 16, 2022, nangipaulog ti Board iti desision a mangipaay iti taxi services idiay National Capital Region ken kadagiti Probinsia a mangipangato iti flag down rate iti lima a pisos (P5.00), gapu iti dayta, ngimmato ti rate manipud iti Uppat a Pulo a Pesos (P40.00) agingga iti Uppat a pulo ket Lima a Piso (P45.00) idinto nga iti Cordillera Administrative Region, ket ngimmato daytoy manipud tallopulo ket Lima a Piso (P35.00) agingga iti Uppat a Pulo a Piso (P40.00).
Ad-adda pay a ngumato daytoy kalpasan a napatgan ti kiddaw dagiti grupo ti taxi, no sadino ngumato ti P45 a flag down rate idiay Metro Manila iti P50 bayat a ngumato met ti flag down rate a P40 iti Cordillera Administrative Region iti P50 metlaeng iti agpada nga aircon ken non-aircon a taxi iti intero a Pilipinas.
Nupay kasta, saan nga applicable daytoy para kadagiti airport taxi services.
